ජූලි ඉරිදා 2020

Team Simplebooks

ශ්‍රී ලංකාවේ මාර්ගගත (online) සමාගම් ලියාපදිංචිය – පියවරෙන් පියවර උපදෙස් මාලාව

Read in

ඔබේම ව්‍යාපාරයක් ආරම්භ කිරීමට ඔබ අවසානයේ සූදානම්ව සිටී. හුරු පුරුදු රැකියාවෙන් ඉවත් වීම වැනි අවදානම් ගැනීමට ඔබ සූදානම් වන කාලයයි –  සමහර විට, ඔබ දැනටමත් එසේ කර තිබෙන්නටද පුළුවන්. ඔබේ සිහිනය ලුහුබැඳ ගොස්, එක් එක් ගැටළුව බැගින් විසඳමින් ලෝකය වෙනස් කිරීමට ඔබ නොඉවසිල්ලේන් සිටිනවා විය හැක.

අයදුම්පත් සහ ආකෘති පත්‍ර එකින් එක ඉදිරිපත් කිරීම සඳහා සමාගම් රෙජිස්ටාර් දෙපාර්තුමේන්තුව වෙත පැමිණීම වෙනුවට ඔබේ ව්‍යාපාරය අන්තර්ජාලය හරහා ලියාපදිංචි කළ හැකි සේවාවක් වන  “eROC”  සේවය රජය විසින් මෑතකදී හඳුන්වා දී ඇත. දැන්, මෙයින් අදහස් කරන්නේ ඔබට නැවත කිසි දිනෙක රජයේ කාර්යාලයට යාමට අවශ්‍ය නොවන බව නොවේ. නමුත් මෙම සේවාව නිසා ක්‍රියාවලිය පහසු කිරීමට උපකාරී වේ.

ඔබේ ව්‍යාපාරය ලියාපදිංචි කිරීම ව්‍යාකූල, දුෂ්කර හා කාලය ගතවන කාර්යයක් විය හැක. මෙම පීඩනය අඩු කර ගැනීම සඳහා, ඔබේ ව්‍යාපාරය මාර්ගගතව ලියාපදිංචි කිරීමට ඔබට උදව් කිරීම සඳහා අපි මෙම මාර්ගෝපදේශකය පියවරෙන් පියවර නිර්මාණය කර ඇත.

1 වන පියවර – නමක් වෙන් කර ගැනීම

1. ඔබේ සමාගමේ නම තිබේදැයි පරීක්ෂා කරන්න

අද්විතීය සමාගම් නාමයක් සෙවීම, සමාගම් රෙජිස්ට්‍රාර් දෙපාර්තමේන්තුවේ වෙබ් අඩවිය හරහා මාර්ගගතව කළ හැක. වෙබ් අඩවියේ මෙම කොටසට ගිණුමකින් තොරව ප්‍රවේශ විය හැක. සෙවීම ආරම්භ කිරීමට නිල් නිරූපකය ක්ලික් කර ඔබගේ අපේක්ෂිත නම තිබේදැයි සොයා බලන්න. මෙම සේවාව භාවිතා කිරීමෙන්, ඔබේ අනාගත සමාගමේ නම වෙන කෙනෙකු ගැනීම වැලැක්වීම සහතික කිරීමටද ක්‍රමයක් තිබේ.

ඔබේ සමාගම යටතේ ලියාපදිංචි වීමට යන නමට සමාන ඩොමේන් නාමයක් ලබා ගැනීමට වග බලා ගන්න. ලංකාහෝස්ට් යනු අපගේ ගකන ඩොමේන් මිලදී ගන්නා ස්ථානය වන අතර, ජාත්‍යන්තර වසම් (ඩොමේන්) සහ hosting (අපෙන් ගොනු ගබඩා කොට තැබීම සඳහා ඉඩකඩ) සඳහා අප ගෝඩැඩි ‘Godaddy’ වෙතින් මිලදී ගන’.

2.  “eROC”  සමඟ ගිණුමක් ලියාපදිංචි කරන්න

ලියාපදිංචි සමාගම් පරීක්ෂා කිරීම මෙන් නොව, ක්‍රියාවලියේ අනෙක් කොටස් වෙත ප්‍රවේශ වීම සඳහා ගිණුමක් අවශ්‍ය වේ. ගිණුම සෑදීම නොමිලේ කළ හැක. ඔබ කළ යුත්තේ ඔබගේ පුද්ගලික හෝ සමාගමේ වලංගු විද්‍යුත් තැපැල් ලිපිනයක් (ඊමේල් ලිපිනයක්) ඇතුළත් කර මුරපදයක් සෑදීම පමණි.

3. නමක් වෙන් කිරීමේ ක්‍රියාවලිය

ඔබගේ අලුතින් සාදන ලද ගිණුමට පිවිස කහ විකල්පය ක්ලික් කරන්න. නම වෙන් කිරීම සඳහා යෙදුම් පිටුවට පැමිණි පසු, එක් එක් කොටසට අනුකූල තොරතුරු පුරවන්න.

– නමක් යෝජනා කරන්න

ඔබේ සමාගම සඳහා පරිපූර්ණ නමක් ගැන ඔබ දැනටමත් සිතුවාද? සමාගමේ වර්ගය තෝරා ඔබේ අපේක්ෂිත සමාගමේ නම ඇතුළත් කරන්න. සමාගමේ නම තිබේ නම්, ඔබට ඊළඟ පියවරට යා හැක. එසේ නොවේ නම්, එයින් පෙන්නුම් කරන්නේ සමාගමේ නම වෙනස් විය යුතු බවයි. සමාගමේ නමෙහි කෙටි යෙදුමක් තිබේ නම්, සමාගම් රෙජිස්ටාර් දෙපාර්තුමේන්තුව හට පැහැදිලි කිරීමක් අවශ්‍ය වේ.

– පුද්ගලික තොරතුරු

සෑම ක්ෂේත්‍රයක්ම (fields) පිරවීම අනිවාර්ය වේ. ඔබගේ නම, ලිපිනය, තැපැල් කේතය, දුරකථනය, ජංගම දුරකථන අංකය සහ විද්‍යුත් තැපැල් ලිපිනය ඇතුළත් කරන්න.

– අධ්‍යක්ෂක සහ සමාගම් ලේකම්ගේ විස්තර

මෙම අවස්ථාවෙහිදී, අධ්‍යක්ෂවරුන්ගේ නම්, ඔවුන්ගේ ලිපිනය, තැපැල් කේත සහ ජාතික හැඳුනුම්පත් අංක ඇතුළත් කරන්න. ඔබේ සමාගමේ ලේකම්ගේ නම සිට ඔවුන්ගේ ජාතික හැඳුනුම්පත් අංකය දක්වා තොරතුරු ඇතුළත් කිරීමට තිරය ඔබෙන් කරුණු විමසයි.

ඔබට සමාගම් ලේකම්වරයෙක් නොමැති නම්, ඒ ගැන කරදර නොවන්න. අප ලියාපදිංචි සමාගම් ලේකම්වරයෙකි, අපි ඔබට සහය වීමට සහ නියෝජනය කිරීමට සූදානම්ව සිටී. සමාගමේ ලේකම් පිළිබඳ විස්තර සිම්පල් බුක්ස් විසින් පිරවිය හැක. සමාගම් ලේකම්වරයකු සෑම ව්‍යාපාරයකටම අවශ්‍ය බව අප විශ්වාස කරන්නේ මන්ද යන්න පිළිබඳව ඔබට වැඩිදුර මෙහිදී කියවිය හැක. යැරුග 

– වෙනත් ලියකියවිලි

මෙම පියවර අනිවාර්ය නොවන අතර ඔබට නම අනුමත කිරීමේ අවසාන පියවරට යා හැක. කෙසේ වෙතත්, ඔබගේ නම කණ්ඩායම් නාමයකට සමාන නම්, ඔබ කැමැත්ත ප්‍රකාශ කරන ලිපියක් ඉදිරිපත් කළ යුතුය. සීමා කර ඇති වචන භාවිතා කරන්නෙ නම් පැහැදිලි කිරීමක් ලබා දී සමාගම් ව්‍යවස්ථාව ඉදිරිපත් කරන්න. මෙම ලිපි කෙටුම්පත් කිරීමට ඔබට සමාගම් ලේකම් කෙනෙකුගේ සහාය අවශ්‍ය වේ.

– ගෙවීම්

ඔබේ ව්‍යාපාරය අන්තර්ජාලය හරහා ලියාපදිංචි කිරීමේ වැදගත් දෙය නම්, ඔබට කොපමණ මුදලක් වැය වේද යන්න ඔබට තේරුම් ගත හැක. නම වෙන් කිරීමේ පිරිවැය රුපියල් 2,300 වන අතර ඩෙබිට් හෝ ක්‍රෙඩිට් කාඞ් හරහා ගෙවීමට තෝරා ගත හැක.

2 වන පියවර – සමාගම් ලියාපදිංචිය

ඔබේ සමාගමේ නම අනුමත වූ පසු, ඔබට නම අනුමත කිරීමේ අංකය සහිත විද්‍යුත් තැපැල් පණිවිඩයක්  ලැබිය යුතුය. ක්‍රියාවලිය දිගටම කරගෙන යාමට තද කොළ පිම්ම “ටැබ්” ක්ලික් කරන්න.

පළමු ක්ෂේත්‍රයේ අංකය ඇතුළත් කිරීමෙන් පසු ස්වයංක්‍රීයව නම සහිත ක්ෂේත්‍ර සම්පූර්ණ වේ. අවාසනාවට, මෙම තහවුරු කිරීමේ අංකය නොමැතිව පෝරම පිරවීම සඳහා තවදුරටත් ඉදිරියට යාමට ක්‍රමයක් නොමැත.

ඔබට කිරීමට ඉතිරිව ඇත්තේ සමාගම් වර්ගය තෝරාගෙන කාර්යාල ලියාපදිංචි ලිපිනය, පළාත, දිස්ත්‍රික්කය සහ සමාගමේ විද්‍යුත් තැපැල් ලිපිනය වැනි මූලික සමාගම් තොරතුරු සැපයීමයි.

ඔබේ සමාගමේ ප්‍රධාන අරමුණු සඳහා, මෙනුවේ ඇති විකල්ප වලින් ඔබේ සමාගමට වඩාත් ගැලපෙන දේ තෝරාගන්න. ලැයිස්තුගත කර ඇති උදාහරණ වන්නේ නිෂ්පාදනය, ජල සැපයුම යනාදියයි.

– පාර්ශවකරුවන්

පාර්ශවකරුවන් යටතේ, ඔබ සියලු අධ්‍යක්ෂක සහ සමාගම් ලේකම් තොරතුරු ඇතුළත් කළ යුතුය. එක් එක් පුද්ගලයාගේ මුල් නම, ලිපිනය, විදේශ ගමන් බලපත්‍රය, ජාතික හැඳුනුම්පත් අංකය, දුරකථන අංකය සහ විද්‍යුත් තැපැල් ලිපිනය පිළිබඳ තොරතුරු ඇතුළත් කරන්න. එකතු කිරීමේ බොත්තම ක්ලික් කිරීමෙන්, ඔබේ සමාගමේ අධ්‍යක්ෂවරු එක් කෙනෙකුට වඩා සිටින්නේ නම් එම තොරතුරු ඇතුළත් කිරීමට එය ඔබට ඉඩ ලබා දෙයි.

අධ්‍යක්ෂවරුන් එකතු කිරීමෙන් පසු, ඔබ විසින් නම් කරන ලද, ලියාපදිංචි සමාගම් ලේකම්ගේ තොරතුරු පුරවන්න. දේශීය රෙගුලාසිවලට ගැලපෙන බව තහවුරු කිරීම සඳහා ඔවුන්ගේ ලියාපදිංචි අංකය එකතු කිරීමද මෙයට ඇතුළත් ය.

– අවශ්‍ය ලියකියවිලි

පද්ධතිය ආකෘති පත්‍ර 1, ආකෘති පත්‍ර  18 සහ ආකෘති පත්‍ර 19 ජනනය කරයි. ආකෘති පත්‍රයේ පී.ඩී.එෆ්. අනුවාද ලබා ගැනීමට බාගැනීම් බොත්තම ක්ලික් කරන්න. එයට ඔබගේ අත්සන අවශ්‍ය වන අතර ඔබ ඇතුලත් කළ යුතු අමතර තොරතුරුද ඇත. මීට අමතරව, සමාගම් ව්‍යවස්ථාව ඔබ හෝ සමාගම් ලේකම් විසින් කෙටුම්පත් කළ යුතුය.

යම් සමාගමකට ශ්‍රී ලංකාවේ සමාගම් පනතේ “අ” වගුවේ අඩංගු සාමාන්‍ය සමාගම් ව්‍යවස්ථාවක් අනුගත කිරීමට හෝ තමන්ගේම සමාගම් ව්‍යවස්ථාවක් කෙටුම්පත් කළ හැක.

ඔබේ සමාගම් ලේකම්ගේ අත්සන සහ ඔබේ අත්සන සහිතව ආකෘති පත්‍ර  පුරවා අවසන් වූ පසු, මෙම ලේඛන පරිලෝකනය කර එය පී.ඩී.එෆ්. ගොනුවක් ලෙස සුරකින්න. ඔවුන් වෙනත් ගොනු වර්ගයක් වලංගු ලෙස පිළිගන්නේ නැත. එක් එක් ගොනුව ප්‍රවේශමෙන් අදාළ ක්ෂේත්‍රයට උඩුගත කරන්න.

  • ආකෘති පත්‍රය 1 – සමාගම් ලියාපදිංචිය (රු 4,000 + වැට් බදු 15%)
  • ආකෘති පත්‍රය 18 – අධ්‍යක්ෂකගේ කැමැත්ත සහ සහතිකය (රු 2,000 + වැට් බදු 15%)
  • ආකෘති පත්‍රය 19 – ලේකම් / ලේකම්වරුන්ගේ කැමැත්ත සහ සහතිකය (රු 2,000 + වැට් බදු 15%)

– ගෙවීම

පෙර ගෙවීමේ ක්‍රියාවලියට සමානව, ඩෙබිට් හෝ ක්‍රෙඩිට් කාඞ්පතක් හරහා ගෙවීමට හැකියාව ඔබට ඇත.

Help us, help you!

Still, have more questions? Let us help you!

This field is for validation purposes and should be left unchanged.

3 වන පියවර සංස්ථාගත කිරීම පිළිබඳ මහජන දැනුම් දීමක් කරන්න

සමාගම් ලියාපදිංචි කිරීමේ ක්‍රියාවලිය මෙතැනින් අවසන් නොවේ. අනෙක් සියල්ල සිදු කර තහවුරු කිරීමෙන් පසු අවසාන ක්‍රියාවලිය මහජනතාවට දැනුම් දීමයි. මෙය සාමාන්‍යයෙන් සිදු කරනුයේ දේශීය පුවත්පත්වල කුඩා නිවේදනයක් ප්‍රකාශයට පත් කිරීමෙනි. අන්තර්ජාලය හරහා සම්පූර්ණ කළ නොහැකි එකම ක්‍රියාවලිය මෙයයි. මෙය අනිවාර්ය වන අතර, මෙම පියවර සම්පූර්ණ නොකළහොත් ඔබගේ ලියාපදිංචි කිරීමේ අයදුම්පත පිළිගනු නොලැබේ.

සමාගමේ ලියාපදිංචි අංකය, ලියාපදිංචි කාර්යාල ලිපිනය සහ සමාගමේ නම මෙයට ඇතුළත් විය යුතුය. මෙය අවම වශයෙන් ගැසට් පත්‍රයේ එක් කලාපයකවත් පල විය යුතු වන අතර ව්‍යාපාර ප්‍රදේශයේ සංසරණය කෙරෙන සිංහල, දෙමළ සහ ඉංග්‍රීසි භාෂාවලින් සැකසෙන දිනපතා පුවත්පතක අවම වශයෙන් එක් කලාපයක වත්  පල විය යුතුය.

(රු 7,500)

පටන් ගැනීම

ලියාපදිංචි ආයතනික ලේකම්වරයකු ලෙස, ඔබ වෙනුවෙන් ඔබේ සමාගම ලියාපදිංචි කර දීමට සිම්පල් බුක්ස් වලට හැකියාව ඇත. ඔබේ අවශ්‍යතා අනුව තෝරා ගැනීමට පැකේජ තුනක් තිබේ

මූලික, සාමාන්‍ය සිට අග්‍රගන්‍ය දක්වා වූ පැකේජ තුනම අවධානය යොමු කරන්නේ ඔබේ ව්‍යාපාරය පහසුවෙන් ලියාපදිංචි කිරීමට ඔබට උපකාර කිරීම සඳහා වන අතර, එමනිසා ඔබට වැදගත් කාර්යයන් කෙරෙහි අවධානය යොමු කළ හැක.

අපගේ මූලික පැකේජය සමාගම් ලියාපදිංචි කිරීමේ අවසාන අදියර දක්වා ඔබට මග පෙන්වයි; ගැසට් පත්‍රය ප්‍රකාශයට පත් කිරීම අනිවාර්යයි. අපගේ අග්‍රගන්‍ය පැකේජය සෑම පියවරකදීම ඔබ සමඟ සිටීමට අපට ඉඩ ලබා දෙයි; ඔබේ ව්‍යාපාරය ලියාපදිංචි කිරීමේ සිට, ගැසට් නිවේදනයක් ප්‍රකාශයට පත් කිරීම, සිට ඔබේ සමාගමේ නිල මුද්‍රාවන් නිෂ්පාදනය කිරීම දක්වා.

වැදගත් ව්‍යවස්ථාපිත ලේඛන පිළිබඳ නිවැරදි වාර්තා පවත්වා ගැනීම සෑම සමාගමකම තීරණාත්මක අවශ්‍යතාවයක් වන අතර මෙම දායකත්වය සපයනු ලබන්නේ සමාගම් ලේකම් විසිනි. (නිදසුනක් ලෙස, සංස්ථාගත කිරීමේ පත්‍රිකා, ක්‍රියා කිරීමට අධ්‍යක්ෂගේ කැමැත්ත, අධ්‍යක්ෂගේ යෝජනා, කොටස් හිමියන්ගේ ගිවිසුම් සහ සමාගමේ ලේඛණ සහ ලිපිගොනු සහ වාර්ෂික දත්ත වාර්තා සැපයීම)


සමාගම් ලියාපදිංචි කිරීමේ සේවාව පහත අගයට අප ලබාදෙනු ඇත.

Rs. 15,200.00

අපගේ මිල ගණන් බලන්න.

*කොන්දේසි සහිතයි.

Facebook Comments
Spread the love

Share this post

Share on facebook
Facebook
Share on linkedin
LinkedIn
Share on twitter
Twitter
What are others saying? We have around 250+ reviews with an overall rating of 4.9 on Google

Have more questions?

This field is for validation purposes and should be left unchanged.
[class^="wpforms-"]
[class^="wpforms-"]
[class^="wpforms-"]
[class^="wpforms-"]
[class^="wpforms-"]
[class^="wpforms-"]
[class^="wpforms-"]
[class^="wpforms-"]
[class^="wpforms-"]
[class^="wpforms-"]
[class^="wpforms-"]
[class^="wpforms-"]
[class^="wpforms-"]
[class^="wpforms-"]
[class^="wpforms-"]
[class^="wpforms-"]